Hoxe é Sábado 25 de Xuño de 2022
Stations
NOTHING FOUND!
Current listeners: 
Peak listeners: 

Medio Ambiente denuncia ó Concello de Soutomaior por vertidos ilegais

RR_Noticias

O Servizo de Protección da Natureza de Medio Ambiente denunciou ao Concello de Soutomaior por realizar vertidos ilegais de residuos sólidos urbanos nos montes Comunais do municipio. A denuncia, que ten data do 13 de setembro, asegura que o propio Concello realizou verteduras ilegais de “tellas, pedras e residuos procedentes de desbroces”nos terreos da comunidade de montes da Montesiña.

Hai xa 6 meses que o grupo municipal do BNG denunciara que se estaban a realizar tamén verquidos de materiais procedentes de obras municipais en terreos da comunidade de montes de Pedreira, unha situación que lonxe de corrixirse prolongouse no tempo.
Dende o Bloque destacaron que existe documentación gráfica e audiovisual absolutamente explícita sobre estes delitos medioambientais e que o que está a acontecer no concello “é algo intolerábel e dunha absoluta  falta de respecto polo medio natural”.
O portavoz municipal do BNG Manu Lourenzo destacou que “o feito de que o Servizo de Proteccion Natural denuncie ao Concello de Soutomaior por vertidos ilegais dá boa conta da magnitude desta situación. Estamos a falar dunha situación gravísima xa que unha institución como o concello que debería velar pola protección e defensa do medio ambiente é denunciado por verteduras ilegais de residuos e restos de obras”.
O Servizo de Protección Natural de Medio Ambiente rexistrou dúas denuncias;  a primeira a unha empresa que traballa asiduamente para o concello e outra ao propio Concello de Soutomaior por delitos ambientais.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará