Hoxe é Luns 3 de Outubro de 2022
Stations
NOTHING FOUND!
Current listeners: 
Peak listeners: 

O PP denuncia o desmantelamento da policía nacional co peche da oficina pola tarde

RR_Noticias

O PP levará ao vindeiro pleno a situación de “parálise e inmobilismo do goberno municipal” ante o desmantelamento das oficinas da Policía Nacional en Redondela, logo de que dos 14 axentes destinados no noso concello se pasara a tan só cinco e se procedese a pechar esa oficina en horario de tarde “malia o compromiso da subdelegada do goberno de manter os mesmo servizos que se ofrecían dende o ano 2000”.

Os integrantes do grupo municipal do PP reuníanse na tarde deste martes con representantes da plataforma cidadá contra o desmantelamento da Comisaría de Redondela, colectivo que reclama persoal e medios adecuados para as oficinas da Policía Nacional. Este colectivo amosou a súa preocupación porque dende o goberno municipal non se esixa á Subdelegada do Goberno medidas contundentes para que esta Comisaría non sexa “un espazo fantasma”.
Lembran que a día de hoxe hai tan só 5 axentes fronte aos 14 que atendían o servizo, e ademais a oficina pola tarde está pechada, malia o compromiso que a Subdelegada do goberno adquirira antes das eleccións municipais de que se manterían os mesmos servizos de atención cidadá que se viñan ofrecendo dende o ano 2000, é dicir, con atención de 8:00 a 14:00 de luns a venres incluídos os festivos e un funcionario que atendería polo tarde demandas urxentes como denuncias de violencia de xénero e delitos graves.
“Algo que non se está a cumprir” denuncian os populares quen esixen da alcaldesa “que deixe o inmobilismo partidista e que defenda Redondela ante o seu partido en Madrid”. “Non podemos seguir permitindo situacións como as vividas na semanas pasadas onde a policía Nacional tardou 45 minutos en chegar ante un suceso dun intento de Suicidio” conclúe Amoedo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará