Hoxe é Domingo 19 de Maio de 2024
Stations
NOTHING FOUND!
Current listeners: 
Peak listeners: 

Soutomaior recupera a zona azul no centro de Arcade para revitalizar o comercio local

RR_Noticias

A medida foi solicitada por comerciantes e veciños para fomentar a rotación do aparcadoiro durante o horario comercial. Tras dúas semanas de campaña informativa na que só se avisaba aos condutores, o Concello de Soutomaior puxo en marcha esta semana a zona azul no centro de Arcade, unha iniciativa que recupera a regulación horaria e que non suporá ningún custo para os condutores aínda que o seu incumprimento levará aparellada unha sanción de 12 euros.

O obxectivo é axilizar a rotación do aparcadoiro durante o horario comercial para facilitar que os veciños poidan realizar as súas xestións e compras no pequeno comercio local.
A regulación limitarase a catro viarios do centro urbano de Arcade: as rúas de Portal do Ribeiro, Rosalía Castro e a marxe dereita, en sentido Pontevedra, de José Solla e de Roxelio Landeiro.Nelas, o tempo máximo establecido para o aparcadoiro continuado será dunha hora e media.
O aparcadoiro regularase a través dun disco horario que os interesados poderán solicitaren as oficinas do Concello, na biblioteca municipal ou á Policía Local de Soutomaior. O custo da sanción por incumprir a normativa de aparcadoiro será de 12 euros, “pero o disco é gratuíto porque esta non é unha medida recadatoria”, indicou o alcalde Agustín Reguera recalcando que “o aparcadoiro seguirá sendo gratis, o que pretendemos é facer que Arcade sexa máis cómodo e accesible para todos”.
Aínda que a entrada en vigor do aparcadoiro regulado xa é un feito, durante algúns días admitirase un simple papel que anticipe a hora de chegada do condutor por se alguén non puido conseguir un disco. O Concello xa distribuíu máis de 2000 discos horarios entre todos os solicitantes.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará