Hoxe é Martes 27 de Outubro de 2020

O novo colexio Igrexa abre as súas portas garantindo a seguridade dos escolares

RR_Noticias

A Consellería de Educación, o Concello de Redondela e Audasa asinaron hoxe a recepción do novo colexio que, tal e como estaba previsto, abrirá as súas portas este mércores. Con pequenos arranxos aínda pendentes e cos accesos sen finalizar, tanto dende a Xunta como dende o Concello garanten que o inicio do curso desenvolverase con “total seguridade e normalidade”. Unhas instalacións que supoñen “un cambio substancial para mellor” respecto do antigo centro afectado pola AP-9 e que serán rematadas fóra do horario lectivo.

A contrarreloxo e con pequenos arranxos aínda pendentes, este 11 de setembro os nenos e nenas do colexio de infantil e primaria estrearán as novas instalacións do colexio Igrexa na Finca da Ginaria. Unha infraestrutura que mellora notablemente a existente no antigo centro ao carón da autoestrada, malia que quedan aínda algunhas obras de menor envergadura que se irán rematando nos vindeiros días fóra do horario lectivo. O xefe territorial de ensino, César Pérez Ares, a alcaldesa Digna Rivas e o representante de Audasa, César Canal, asinaron na mañá de hoxe a transferencia do centro educativo e a súa posta a disposición da Consellería de Educación para que este mesmo mércores o alumnado deste colexio poida iniciar o curso nas novas dependencias. Unhas instalacións “enormemente aceptables” en palabras de Pérez Ares quen insistiu en que está completamente garantida a seguridade tanto do alumnado como do profesorado o que permitirá que mañá os rapaces e rapazas regresen as aulas con total normalidade. “Un día de ledicia e responsabilidade” para a alcaldesa, Digna Rivas quen insistiu tamén en que ata o último minuto se estivo traballando para que este 11 de setembro todo o alumnado poida comezar as clases sen incidencias. A directora do colexio, Pâtricia Román, destacou a mellora que suporá para Chapela a posta en marcha desta nova infraestrutura educativa “un cambio substancial cunhas instalacións que máis aló de arranxos puntuais dan resposta as nosas reivindicacións”. O custe do centro ascendeu a 2,7 millóns aos que hai que engadir un millón de euros na adquisición da parcela coñecida como Finca da Ginaria de 34.000 metros cadrados onde se construíu o colexio. Unha obra contemplada no marco das actuacións de reposición e mellora pola ampliación da AP-9. Quedan pendentes de finalizar os accesos malia que se garante o transporte escolar que se realizará empregando dous microbuses e un autobús. O novo colexio conta cunha biblioteca, sala de informática, sala de usos múltiples e un ximnasio, así como cociña e comedor así como espazos administrativos e de almacén. Ofrece ademais unhas espectaculares vistas sobre a ría e un patio exterior con pista deportiva.  

Cesar Pérez Ares Xefe Territorial ensino
Un centro que mellorará a calidade educativa
Seguridade
Unha garantía sen a cal o colexio non abriría as súas portas
Digna Rivas alcaldesa
Satisfacción e responsabilidade
Accesos pendentes
Dous microbuses e un autobús realizarán o transporte escolar
Patricia Román Directora
Cambio substancial
César Canal Audasa
Agradecementos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *