Hoxe é Domingo 29 de Novembro de 2020

Soto xa forma parte da memoria do balonmán

RR_Noticias

O nome do que fora xogador, adestrador e presidente do BM Chapela quedará sempre para a memoria no pavillón municipal da parroquia, que desde esta fin de semana leva o nome de “Manuel González Soto”.

 
Durante o emotivo acto, no que estiveron presentes os familiares de Soto e os xogadores de todas as categorías do club, ademais dos representantes municipais, proxectouse un vídeo coa súa traxectoria no club a través de testemuños de persoas vinculadas a este deporte e de amigos e compañeiros no club. O alcalde, Javier Ba, destacou o significado de González Soto para todos os redondeláns por todo o que fixo polo balonmán con toda unha vida dedicada a este deporte, unha traxectoria que foi recoñecida coa medalla de ouro da Consellería de Deportes e da Real Federación Española de Balonmán. Tamén o concelleiro de Deportes, Julio Mougán, tivo palabras de eloxio ao eterno presidente do Balonmán Chapela, do que dixo que “sempre se entregou polo club e foi unha persoa cunha calidade humana excepcional”. A xornada completouse cos encontros de División de Honra Prata Feminina e Primeira Nacional Masculina, con derrota dos dous equipos locais.
Honra Prata Feminina

Cíes Chapela 25-29 Tenerife
O pechacancelas da División de Honra Prata Feminina perdeu ante ao Tenerife nun partido moi disputado. Na próxima xornada rematarán a liga cunha viaxe a Canarias para medirse ao Lanzarote.
SAR Rodavigo 24-27 Oviedo
O equipo que adestra Elisardo Covelo “Chini”non puido coas asturianas. O equipo, 7º do grupo, xoga o próximo sábado en vigo ante o Carballal, que é 5º, o último partido da liga.
Primeira Nacional Masculina

Chapela 12–19 Calvo xiria
Os de Fran Teixeira non puideron co Calvo Xiria. Son 5º, e na próxima xornada visitan a pista do Luceros en Cangas
Primeira Autonómica
SAR 24-17 Porriño
Vitoria dos de Diego Lorenzo, que manteñen o 3º posto da táboa. Na próxima xornada xogan na pista do Carballal.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *