Hoxe é Martes 20 de Outubro de 2020

Condenados a penas de cárcere os dous atracadores da oficina de Correos en Chapela

RR_Noticias

Os dous homes que o 24 de marzo de 2017 cometeron un roubo violento na oficina de Correos de Chapela foron condenados a penas de cárcere logo de asumir a autoría dos feitos nunha vista celebrada no Xulgado do Penal de Vigo. José Luis A.F. con antecedentes xudiciais por outros roubos aceptou dous anos e medio de cárcere, mentres que Isidoro M.C. foi condenado a dous anos e un mes.

O roubo tiña lugar hai dous anos cando ao mediodía dun 24 de marzo os atracadores entraban na oficina da Estrada do Torreiro en Chapela armados cun coitelo e unha pistola. Cubertos con cascos de motos para ocultar os seus rostros esixíronlles as dúas empregadas que se atopaban no local que lle entregasen os cartos, un total de 500 euros da recadación do día. Foron apresados pouco despois.
Na actualidade están en prisión e, á hora de aplicarlle as penas, tívose en conta o atenuante de drogadicción.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *