Hoxe é Martes 20 de Outubro de 2020

A Mestra Paulina “regresa” á escola de Ventosela

RR_Noticias

Paulina Sánchez (1898-1971), elixida persoeiro do ano no 2017, recibirá este domingo unha homenaxe na escola de Ventosela, centro no que exerceu a docencia a maior parte da súa carreira dende o ano 1952 ata o 1966. Será o domingo 30 a partir das 17:00 horas cun acto no que se presentará un traballo gráfico sobre a súa persoa e proxectarase un pequeno documental no que colaboraron diferentes persoas que a coñeceron en vida.

A labor docente e a pegada que Paulina Sánchez deixou en todos aqueles alumnos que pasaron polas súas clases, nas que exercía a docencia impulsando unha intensa actividade cultural, foi recoñecida o ano pasado cando foi nomeada polo Pleno do Concello como Persoeira do Ano.
Para dar a coñecer a súa figura, este domingo a escola na que a Mestra Paulina exerceu ao final da súa carreira, abre as súas portas ara darse a coñecer e homenaxear a súa ilustre mestra.
Os actos contarán coa música e o baile do grupo folclórico do Carballo de cen polas e haberá obradoiros para que os cativos que acheguen poidan crear os seus propios monicreques e elementos de xogo.
Dende o Concello convídase a todos os veciños desta parroquia a compartir esta tarde na que a través da música e a convivencia lembrarase a unha muller que fixo en momentos moi complicados que moitos e moitas mozas tivesen un encontro coa cultura. O acto contará coa presenza do alcalde, Javier bas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *