Hoxe é Mércores 28 de Outubro de 2020

Diversidade musical coa Rondalla de Redondela e Manquiña cos Fabulosos Weekend

RR_Noticias

A fin de semana deixa unha variada oferta musical en Redondela e Chapela. Esta noite a Praza da Casa da Torre acolle o concerto da Rondalla de Redondela, que recolle o legado musical e cultural da vila desde os anos 30. Mañá sábado actúa o grupo do actor e humorista galego Manuel Manquiña no mesmo lugar. Chapela acolle o domingo o concerto e festa de fin de verán coa actuación do trío Pentágono.

Esta noite chega un clásico da programación cultural de verán, a Rondalla de Redondela. Ás 22.00 horas a multitudinaria agrupación ofrecerá un concerto no que recupera parte do legado musical e tamén cultural da vila. Cantigas que soaban nas reunións familiares, nas festas e nas tabernas pola década dos anos 30. Rescatan pezas musicais e esta noite prometen sorprender ao público con algunhas novidades. Mañá sábado, no mesmo lugar e á mesma hora, chega Manuel Manquiña & The Fabulosos Weekend, unha recente formación musical encabezada polo coñecido actor e humorista galego . Trátase dun quinteto músico-vocal cun repertorio de música en español, galego e inglés dos anos sesenta, todo regado co humor de Manquiña. O domingo a programación cultural do Concello trasládase a Chapela. A Alameda Rosalía de Castro acolle o concerto e Festa Fin de Verán co trío Pentágono, a partires das 22.00 horas. Todas as actividades son de balde.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *