Hoxe é Luns 26 de Outubro de 2020

Pazos contrata con axudas para persoas sen experiencia a alguén que xa traballara no Concello

RR_Noticias

A Agrupación de Electores Alternativa Veciñal denuncia os trámites seguidos polo concello de Pazos de Borbén para contratar o pasado mes de decembro unha auxiliar administrativa con cargo a unha subvención da Xunta. As bases destas axudas (APROL Rural 2017) especificaban que estaban destinadas a contratar persoas con especiais dificultades de inserción laboral. Sen embargo, foi seleccionada unha persoa que xa traballou en diversas ocasións no concello e, ademais, a única candidata que non era parada de longa duración.

Critican que xa no proceso de selección se tiveran cometido irregularidades ao anunciar a oferta dun posto de auxiliar administrativo o 27 de novembro e o 29 xa está pechada a lista de candidatas.
Por outro lado, as bases da subvención da Xunta establecían que o obxectivo era proporcionarlles, a persoas con especiais dificultades para atopar emprego, a experiencia e práctica profesional necesarias para facilitar a inserción laboral. Así, podían esixirse para o posto a titulación e formación necesarias para desempeñar o traballo, pero nunca experiencia laboral. E tamén se debían ter en conta outros criterios como cargas familiares, persoas paradas de longa duración, que esgotasen as axudas e subsidios…
Sen embargo, o concello de Pazos de Borbén incluíu no proceso de selección unha proba práctica, que ao xeito de ver de AV supón un xeito indirecto de valorar a experiencia. Dáse a circunstancia de que, antes da proba práctica, a persoa finalmente seleccionada era a terceira nunha lista de catro candidatas. E grazas aos puntos da proba pasa a ser a primeira e, polo tanto, a que acade o posto de emprego finalmente.
É dicir, nun proceso no que non se podía valorar a experiencia laboral, hai unha persoa que consegue o posto de traballo grazas, precisamente, á súa experiencia laboral. En AV lamentamos que se desvirtúen dese xeito unhas axudas destinadas a axudar ás persoas con máis dificultades, e por iso xa demandamos explicacións ao goberno local para que aclare estas circunstancias.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *