Hoxe é Xoves 22 de Outubro de 2020

A auga da traída recupera a calidade

RR_Noticias

As últimas chuvias permiten deixar atrás as restriccións ao consumo de auga da billa, que presentaba altas concentracións de ferro e aluminio. As últimas análises revelan que estes minerais están agora por baixo das 200 partes por billón. Miguel Ángel Álvarez, concelleiro de Medio Ambiente, garante agora que auga goza xa “de boa saúde”.

O concelleiro explica que a prolongada seca e logo as chuvias torrenciais deixaron unha elevada presenza de ferro. No mes de decembro no depósito de San Esteban as análises indicaban unha proporción de ferro de 760ppb, polo que a auga non reunía as condicións que garanten a súa calidade. Grazas ás últimas chuvias a situación normalizouse, tanto no abastecemento do enconro de Eiras, que recupera a normalidade, como na calidade da auga, que agora está “dentro dos parámetros” que marcan as autoridades sanitarias. Unha vez superado o período de alerta por seca e a emerxencia polo desabastecemento, é hora de estudar solucións que eviten que esta situación volva repetirse no futuro. Álvarez Ballesteros explica que a próxima semana Augas de Galicia e os once Concellos que se abastecen do encoro de Eiras manterán unha xuntanza para traballan nun “plan estratéxico”. O concelleiro entende que todos os municipios afectados deben chegar a acordos e poñer enriba da mesa solucións a medio e longo prazo tendo en conta as recomendacións técnicas. Defende que é preciso “cambiar a mentalidade tanto das administracións como dos veciños” para facer un consumo responsable da auga “ao longo de todo o ano”. O polémico trasvase do río Verdugo a Eiras, promovido polo Concello de Vigo, xan non ten carácter de urxencia. Álvarez matiza que se trataría dunha “captación”, sinala que sería unha solución “puntual” en caso de emerxencia, e advirte que é preciso adoptar outras medidas co consenso de todos os organismos implicados.

Miguel Ángel Álvarez concelleiro de Medio Ambiente
As análises revelan que a calidade da auga é boa.
Plan Estratéxico
As administracións deberán acordar medidas a longo prazo.
Captación do Verdugo
Álvarez sinala que hai que buscar outras solucións máis alá da captación do río para casos de emerxencia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *