Hoxe é Venres 30 de Outubro de 2020

Concentración no colexio Igrexa en protesta pola apertura do terceiro carril da AP-9

RR_Noticias

A Asociación de Nais e Pais de alumnos do CEIP Igrexa convoca para o luns, día 8, unha concentración ás portas do centro para rexeitar a apertura ao tráfico da ampliación da autoestrada ao seu paso polo colexio. Esixen que o carril se peche á circulación ata que os alumnos sexan trasladados ao novo centro que se vai construir.

O inicio das clases despois das vacacións de Nadal seá reinvindicativo no CEIP Igrexa, de Chapela. Ás 8.30 horas da mañá están chamados a concentrarse ás portas do colexio as familias dos alumnos e os veciños da parroquia. A convocatoria faina a ANPA do centro como sinal de protesta pola apertura do terceiro carril da AP-9 ao seu paso por Chapela, tamén no tramo que queda “pegado” ao centro de ensino. A secretaria da Anpa, Mónica Montes, explica que hai “moita preocupación” entre as familias, ao entender que o muro de contención construido por Audasa para protexer as instalacións dun posible accidente “non é garantía suficiente”. O seu obxectivo é que se peche ese carril á circulación e se empregue só como vía de acceso “balizando o resto do tramo” tal como estaba antes da inauguración das obras o pasado día 30 de decembro. Comisión de Seguemento Pola súa banda a Agrupación de Electores de Redondela continúa á espera dunha resposta por parte do alcalde, Javier Bas, á súa solicitude de convocar a Comisión de Seguemento das obras “con carácter de urxencia”. AER solicitou por rexistro no Concello que a xuntanza se realizase esta mesma semana, antes do inicio das clases.

Mónica Montes secretaria da Anpa
Lamentan que non hai prazos para a apertura do novo colexio.
Indignación dos pais e nais
Patricia amosaba así o seu malestar pola apertura do terceiro carril da AP-9.
Esixen que se balice o tramo
Nais como Rosana amosaban a súa preocupación e solicitan que o carril sexa só de aceleración.
Garantía de seguridade por escrito
A Anpa solicita que a administración responsable lles dea garantías por escrito de que os alumnos están seguros.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *