Hoxe é Mércores 2 de Decembro de 2020

Festa de Nadal e acendido de luces en Soutomaior

RR_Noticias

A Alameda de Talorío acolle hoxe martes a partir das 19:00 horas o tradicional acendido das luces do Nadal. Mais 50 arcos de luces así como adornos en distintos lugares do Concello (casa do Concello, Multiúsos, Monumento aos cociñeiros, etc) completados con motivos do Nadal en farois e árbores son a proposta luminosa do Concello de Soutomaior para as dúas parroquias : Arcade e Soutomaior.

Para amenizar a espera haberá unha festa infantil:  “A Bailar no Nadal”. Trátase dun  espectáculo interactivo con animación musical, cancións cantadas en directo, cantaxogos, maxia, moneco xigante, explosións de confetti, panxoliñas, xogos, batalla de globos xigantes e un montón de sorpresas. 1 hora de espectáculo que rematará co acendido do alumeado de Nadal.
Os presentes, durante a festa infantil, poderanse apuntar ao sorteo que nomeará a un como o encargado de poñer en marcha a iluminación xunto co representante do Concello (máximo 10 años).
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *