Hoxe é Xoves 26 de Novembro de 2020

Soutomaior mobilízase contra o trasvasamento do Verdugo a Eiras

RR_Noticias

Semana intensa a que se vivirá estes días en torno ao trasvasamento do río Verdugo para garantir o abastecemento de auga a Vigo e concellos da área. Este martes os portavoces municipais e os representantes do sector marisqueiro reuniranse coa conselleira do Mar Rosa Quintana e o presidente de Augas de Galicia, Roberto Rodríguez. O mércores ás doce do mediodía está convocada unha concentración na ponte de Comboa. O BNG chama a cidadanía a participar para amosar o seu rexeitamento contra unha actuación con nefastas consecuencias medioambientais, económicas e sociais ao poñer en perigo a supervivencia de 200 familias que viven do marisqueo na localidade.

Os nacionalistas critican que dende a Xunta se estea a actuar en base a “unha política de feitos consumados” e entenden que unha actuación como o trasvasamento da auga do río Verdugo ao encoro de Eiras, coas repercusións que iso tería no medioambiental e no económico, require dunha profunda reflexión e un pormenorizado estudo. O voceiro nacionalistas Manu Lourenzo, insiste en que é preciso recorrer a outras solucións que pasan por mellorar as canalizacións e aplicar políticas de aforro de auga e así llelo van trasladar mañá á Conselleira nunha reunión na que tamén estará presente a presidenta da Confraría de Arcade, Rita Míguez. O mércores convocan á cidadanía a se mobilizar nunha protesta que terá lugar as doce do mediodía na ponte de Comboa e que chega precedida da manifestación vivida onte en Ponte Caldelas, na que centos de veciños, nese caso convocados polo propio alcalde, saíron a rúa para esixir que se paralice o proxecto. Para Lourenzo as dúas alternativas que se contemplan sería igual de desastrosas “a chamada alternativa 1 que captaría a auga na presa do inferno, partiría ademais pola metade o barrio de Aranza e tería un custo de 5.254.282 €. O segundo proxecto, a alternativa 2, captaría a auga na central de Laforet e dende alí bomberarían a auga a través de 6.675 km de tubaxes ata conectar con Eiras. Tería un custo de 5.489.335 € En ambos os casos, o caudal ecolóxico do río se vería seriamente afectado coas consecuencias que iso ten para o noso concello”.    

Manu Lourenzo BNG
Mobilizarse para parar o proxecto
Política de feitos consumados
Critica que non se teña reflexionado en torno a un asunto de tanta relevancia
Outras alternativas
Hai que buscar solucións que non supoñan un atentado ecolóxico

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *