O pavillón polideportivo de Pazos de Borbén acolle esta fin de semana un derbi moi esperado, o enfrontamento dos equipos de fútbol sala de Pazos e o Campito de Chapela. Quinta xornada de liga na terceira división que nos deixa esta interesante cita mañá ás 19:00 horas.
O Pazos, equipo xa con experiencia nar categoría enfróntase a uns debutantes, os xogadores do Campito, e faino ademais en situación ben diferentes, o Pazos na terceira posición con tres partidos gañados dos catro disputados ata o de agora e os do Campito na novena posición con tan só unha vitoria no que levamos de tempada.
Na autonómica sur o Redondela FS xoga esta fin de semana co Abetos, faino ademais moi necesitado de puntos logo da contundente derrota da pasada fin de semana ante o líder o RB Vigo 2015 por 5-2, derrota que os deixou como pechacancelas do grupo.
O Arealonga recibe, logo dunha fin de semana de descanso, a un equipo difícil, o segundo da categoría, O Celado.
