Hoxe é Sábado 28 de Novembro de 2020

Aberto o prazo para se inscribir nun curso de manexo de maquinaria da concellería de xuventude

RR_Noticias

O Departamento de Xuventude de Redondela organiza unha acción formativa práctica, dirixida a mozos de entre 16 e 30 anos que se desenvolverá entre o 25 de setembro e o 5 de outubro. As solicitudes de matrícula poderán presentarse polos rexistros de entrada do concello dende o 12 ao 21 de setembro.

Está acción está plenamente dirixida á práctica, no manexo e familiarización con maquinaria utilizada no sector laboral do movemento de materiais (Pontes-guindastre, Guindastres sobre camión e carretas elevadoras).Terá unha duración de 50 horas. O curso conta cun orzamento de 6.000 euros finaciados a través dunha subvención concedida pola Xunta de Galicia.
Os participantes aprenderán a manexar os medios de transporte equipados con guindastres  que se empregan para descargar e cargar materiais en diversos sectores, coñecerán os tipos de empresas que se equipan con pontes-guindastres, cales son as súas funcións principais e como se utilizan na contorna laboral e adquirirán habilidades para o manexo de carretas elevadoras  mediante prácticos sobre o principal medio de recollida, transporte e depósito de mercadorías.
As prazas outorgaranse por rigorosa orde de inscrición, avisando con anterioridade do inicio aos interesados que teñan praza concedida.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *