Hoxe é Martes 27 de Outubro de 2020

Os veciños critican que Correos só acepte seguir en Chapela a cambio dun local gratuíto

RR_Noticias

Instan á empresa postal a buscar un local alternativo ante o posible derrube do edificio que actualmente alberga a oficina para ampliar a Estrada do Torreiro. En todo caso, dende a Asociación de Veciños aaseguran que non permitirán que a parroquia perda este servizo e instan ás administracións a presionar os responsables de correos para que acepten trasladarse.

Dende hai máis de 20 anos o servizo de correos en Chapela goza dunhas instalacións completamente gratuítas. Sen embargo, a proxectada ampliación da estrada do Torreiro que está previsto acometer como mellora pola ampliación da AP-9, suporía derrubar o edifico no que ademais de Correos se atopan as sedes da Asociación de Veciños, da Comunidade de Montes e de propia asociación de afectados pola AP-9. Un derrube que se atopa pendente de que Correos acepte trasladarse a outra oficina, algo que parece que os seus responsables non están dispostos a aceptar. “Aseguran que o servizo é deficitario e só aceptan seguir na parroquia a cambio dun local gratuíto” explica Marcial Pérez da Asociación de Veciños “non imos entrar a discutir se o servizo é rendible ou non, pero demandamos que Chapela conte con oficina de correos porque en caso contrario os veciños veríase obrigados a trasladarse a Redondela ou Teis para facer envíos postais”. Por ese motivo insisten en que non aceptarán o derrube do edifico se non se asegura previamente a continuidade da oficina de correos na parroquia”.  

Marcial Pérez AVV Chapela
A empresa acepta seguir en Chapela sempre que conte cun local gratuíto
Servizo necesario
Insta ao goberno a presionar para que Chapela non quede sen oficina postal

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *