Hoxe é Venres 30 de Outubro de 2020

O novo colexio Igrexa pendente dun permiso da Consellería de Educación

RR_Noticias

Unha autorización da Consellería de Educación é a día de hoxe o único atranco na construción do novo centro educativo de Chapela que debería acoller o alumnado do colexio Igrexa, afectado pola ampliación da Ap-9. “Os terreos xa foron recalificados, hai comprometido o investimento económico, dende o goberno local asegúrannos que só faltaría un trámite burocrático que non da chegado” explica o presidente da Asociación de veciños de Chapela, Marcial Pérez. Fartos da espera o colectivo esixe prazos e un compromiso público tanto do concello como da consellería “de que a obra se vai facer”.

A falta de avances na construción do novo colexio Igrexa provoca malestar directo entre os pais e nais do alumnado pero tamén no resto da parroquia, cuxa asociación de veciños demanda do alcalde, Javier Bas e da propia Consellería de Educación “un compromiso público onte se acheguen datas de inicio da obra”. Unha obra que “conta cos cartos para a súa realización, ten o proxecto feito, os terreos da finca da Ginaria recalificados e cuxa demora débese a un trámite de Educación” explica Marcial Pérez logo de reunirse cos responsables do goberno. Entende que chegado a este punto e logo de atrasos continuados cómpre unha declaración pública do alcalde e o Conselleiro “para tranquilizar aos pais, fartos de tanta espera sen ver ningún tipo de avance”. O goberno xustificara o atraso no trámite administrativo de Educación pola campaña electoral pero meses despois de que se confirmara a continuidade de Román Rodríguez ao fronte da Consellería, os afectados non comprenden os novos atrasos. O malestar entre os pais é tamén patente, motivo polo que a Anpa iniciou xa unha recollida de sinaturas para esixir das administracións que axilicen os trámites.  

Marcial Pérez Asociación Veciños
Esixen un compromiso por parte da Consellería
Pendente dun trámite burocrático
Un informe da Consellería mantén a obra parada

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *