Hoxe é Sábado 28 de Novembro de 2020

O BM Chapela esixe á Federación un maior respeto para as categorías femininas

RR_Noticias

O presidente do club, Manuel González Soto, lamenta a actitude do árbitro no encontro disputado entre o Rodosa Chapela e o Palencia, que cualifica de “irrespetuosa e vergoñenta”. Advirten que non é a primeira vez que este colexiado se comporta deste xeito, polo que trasladarán a queixa ao Comité de Competición.

O partido, correspondente á segunda xornada de liga da División de Honra Prata Feminina, disputouse o pasado domingo en Chapela. As redondelás perderon por 10-23, pero no club non lamentan o resultado, senón a “falta de respeto” do colexiado madrileño Alfredo Arcos. Soto entende que a derrota foi xusta, pero critica duramente os xestos do árbitro, que chegaron a ser obscenos de cara aos afeccionados do BM Chapela. O presidente anunciou que enviará a gravación do partido ao Comité de Competición, e esixe á Federación Española de Balonmán que “tome medidas”. Entende que en Galicia hai mellores árbitros na categoría territorial, que demostran “máis profesionalidade” que os que a federación envía para as competicións estatais. No club lamentan que desde o organismo estatal non tomen coa debida consideración ás categorías femininas, que están a saír adiante “polo compromiso persoal dalgúns dirixentes dos clubs”. Desde Chapela a aposta polo balonmán feminino “é firme”, polo que lamentan que desde a Federación o trato sexa tan “vergoñento”.  

Manuel González Soto presidente do club
Soto denunciará ante o Comité de Competición a actitude do colexiado no encontro Rodosa Chapela-Palencia
Chamamento á Federación Española
Desde o club denuncian a falta de respeto coas categorías femininas por parte da Federación.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *