Hoxe é Domingo 13 de Xuño de 2021

Redondela recibe cinco millóns para proxectos de desenvolvemento urbano

RR_Noticias

Uns cartos procedentes dos fondos europeos Feder que permitirán financiar o proxecto Redondela2020 no que se inclúen actuacións relacionadas coa mobilidade sostible, a supresión de barreiras arquitectónicas, a humanización e acondicionamento de novas sendas verdes e paseos peonís que poñan en valor o patrimonio medioambiental, arquitectónico, histórico e cultural do noso concello.

O Plan de Estratexias de Desenvolvemento Urbano Sostible e Integrado (Edusi) é un plan financiado con fondos europeos Feder achegará a Galicia 83 millóns de euros. En total, doce concellos galegos beneficiaranse destes fondos destinados a desenvolvemento urbano e actuacións de conservacións, dos cales cinco investiranses en Redondela e servirán para financiar o proxecto Redondela2020, aprobado por unanimidade en pleno, para a posta en marcha dun transporte urbano sostible, a creación de novas sendas verdes e paseos peonís e a creación de novos espazos culturais así como novas instalacións deportivas.
No proxecto presentado en Europa recollíanse as debilidades do municipio, marcadas por un crecemento estrangulado pola cidade de Vigo, a ausencia dun tecido empresarial específico ou unha poboación dispersa e con tendencia ao envellecemento. Pero tamén se salientaban as súas potencialidades: unha importante riqueza natural e paisaxística, importantes elementos de valor patrimonial e histórico, unha ampla programación cultural e participación cidadá así como a súa experiencia á hora de executar de xeito correcto os anteriores proxectos Marisma e Marisma Máis tamén financiados con Fondos Europeos.
Partindo desta realidade, o novo proxecto márcase “un reto económico, ambiental, demográfico e social” con actuacións relacionadas coa mobilidade sostible, a supresión de barreiras arquitectónicas, a humanización e acondicionamento de novas sendas verdes e paseos peonís que poñan en valor o patrimonio medioambiental, arquitectónico, histórico e cultural de Redondela.
Tamén se contemplan accións orientadas a potenciar a cultura coa creación de novos espazos así como novos eventos e rutas culturais.
No documento elaborado polo goberno local recóllense tamén accións enmarcadas no plano deportivo coa creación de novas instalacións, a modernización da administración electrónica e a implementación de políticas de aforro enerxético para lograr unha mellor eficiencia.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *