Hoxe é Xoves 7 de Xullo de 2022
Stations
NOTHING FOUND!
Current listeners: 
Peak listeners: 

Normalización Lingüística reparte 2025 axendas escolares entre o alumnado

RR_Noticias

O Servizo de Normalización Lingüística e a Concellaría de Ensino do Concello de Redondela, veñen de editar a Axenda escolar redondelá 2016-17, que recibirán 2025 alumnas e alumnos dos centros de ensino públicos do concello. Este é o quinto ano consecutivo no que o Servizo de Normalización Lingüística se encarga da edición destas axendas escolares, co obxectivo de divulgar a cultura e o patrimonio locais entre a poboación máis nova, e promover a normalización da lingua galega entre o alumnado redondelán.

As axendas estanse a distribuír de xeito gratuito entre o alumnado de ensino primario do CEP Santa Mariña, CEIP Alexandre Bóveda, CEIP de Cedeira, CEIP Igrexa-Chapela, CEIP Laredo, CEIP Outeiro das Penas, CEIP Porto-Cabeiro, CEIP Quintela e CEIP Santo Paio de Abaixo, e do 1º ciclo da ESO do IES Chapela, IES Illa San Simón, IES Mendiño e IES Pedro Floriani.
A edición para o curso 2016-2017 inclúe algunhas das actividades de dinamización e normalización lingüística desenvolvidas durante o curso pasado por este SNL para os centros de ensino: roteiros de toponimia, obradoiros de teatro radiofónico, actividades de narración oral, representacións teatrais e actividades das Letras Galegas 2016.
Ademais inclúe traballos escolares e as impresións do alumnado participante nas actividades desenvolvidas. Tamén se recolle parte do patrimonio inmaterial a través de ditos e coplas, a onomástica en lingua galega, as conmemoracións escolares e as celebracións propias de Redondela, e contidos relacionados especificamente coa toponimia local.
Con esta publicación o alumnado redondelán recibe unha ferramenta útil para a organización das tarefas escolares, pero ademais serve para incentivar o seu interese polo seu contorno, a cultura local, e para normalizar o uso da lingua galega na súa vida diaria.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará