Hoxe é Mércores 2 de Decembro de 2020

Soutomaior aproba un orzamento de 4 millóns de euros cos votos en contra da oposición

RR_Noticias

O orzamento, que foi aprobado en solitario polo PP ten, segundo explica o goberno local “un marcado carácter social ao centrar os maiores aumentos nas partidas destinadas ás concellarías de Educación, Xuventude, Igualdade e Emprego”. O documento contempla, ademais da débeda cero do Concello, a conxelación das taxas municipais e a creación dunha nova partida destinada a subvencionar o transporte dos escolares que cursen estudos de FP ou Bacharel. O  BNG critica que os populares “aplicaran o rodillo para aprobar uns orzamentos que condenan a Soutomaior a ser unha vila dormitorio”.

Entre os investimentos destacan os 611.000 euros para acometer diversas melloras na rede de saneamento, o mantemento de distintas fontes e lavadoiros ademais de varias melloras nas estradas locais. Dentro desta partida atópanse orzadas actuacións como a instalación de novos parques infantís, melloras nas praias ou a climatización da Casa dá Cultura de Soutomaior e casa-taller de Alxán.
Entre as principais liñas estratéxicas do documento económico atópase o reforzo nas partidas de acción social, xuventude, igualdade e deporte. Neste campo está prevista unha importante mellora na partida do Centro Información á Muller, destinada a financiar o aumento das horas de atención da avogada do centro. A concellaría de Xuventude, encargada da OMIX, verá aumentado o seu orzamento destinado a actividades e para afrontar iniciativas que fomenten o acceso ao emprego.
Unha das principais novidades é a creación dunha partida específica dentro da concellaría de educación para subvencionar unha porcentaxe do custo do transporte que afrontan os alumnos de bacharelato e FP ao ter que cursar os seus estudos fose do municipio.
Dende a oposición o BNG critica que o PP empregase a súa maioría absoluta para aprobar uns orzamentos sen consenso. Nese sentido, Olalla Obelleira, amosou o seu rexeitamento por seren “os orzamentos dun goberno sen proxecto, nos que nin sequera cadran as contas e que condena a Soutomairo a seguir sendo unha vila dormitorio.
Así mesmo, o voceiro do BNG Manu Lourenzo criticou tamén que estamos ante uns orzamentos sen transparencia carentes de modelo de concello “o goberno do PP está esgotado, non ten ideas e estes orzamentos son a proba. Non hai investimentos máis alá de bacheos e chapapote. Seguen apostando polo modelo de vila dormitorio, un modelo que fai que no noso concello haxa hoxe xa máis pensionistas que traballadores” sinalaba o voceiro do BNG.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *