A cidadanía pode escoller entre 12 propostas achegadas dende os centros educativos, centros de maiores e asociacións de Redondela. A enquisa está dispoñible na web e na app do Concello e a participación está aberta ata a medianoite do vindeiro domingo.
A concelleira de Igualdade, Iria Vilaboa, convidou a centros educativos e colectivos a propoñer lemas para a campaña que o Concello desenvolverá de cara a conmemora o 8M, Día da Mulles, co “obxectivo de que a sociedade en xeral sexa protagonista nesta campaña e poidan escoller o lema para este ano”.
En total son doce as propostas achegadas e entre as que poden votar as persoas que estean empadroadas en Redondela neste enlace.
Os lemas propostos son:
CEIP Quintela: “O poder de cada muller transforma o mundo”
CEP Santa Mariña: “Muller tiñas que ser, sempre é un cumprido”
CEIP Alexandre Bóveda: “A igualdade non é unha bonita palabra, é unha necesidade”
Centro Cultural Trasmañó: “Xa non sei o que é ser libre. Por fin darei un paso adiante”
Asociación Lenda: “Nin gratis, nin invisibles”
Asociación Cultural Chapela: “Somos o grito das que NON teñen voz”
Centro Cultural A Miñoteira (Ventosela): “Soa, co meu esforzo, son quen de conseguilo”
Centro de Día Os Cortizos (Redondela): “Somos a semente do cambio”
Centro de Día Os Cortizos (Chapela): “Camiñando xuntas”
Centro de Día Arela: “As mulleres loitadoras”
C. A. Persoas Maiores Cesantes: “Somos grandes en Igualdade!”
Asociación de Veciños de Chapela: “Igualdade real, non só legal”
