A biblioteca Xela Arias abre o prazo de inscrición para participar nun obradoiro no que os participantes, nenos e nenas de idades comprendidas entre os 7 e os 12 anos, aprenderán a debuxar e crear historias con este estilo tipicamente xaponés. A actividade é de balde pero compre inscrición previa na biblioteca de Chapela ou no teléfono 986 454226.
A artista gráfica Nusy Lo Art será a encargada de guiar este obradoiro que se desenvolverá en dúas sesións, os mércores 17 e 24 de abril en horario de 18:00 a 19:00 horas.
Os participantes aprenderán a debuxar estas historias protagonizadas pro personaxes de ollos grandes, formas redondeadas e simplificadas que son o selo distintivo dun dos estilos máis icónicos do debuxo xaponés e que se coñece como “Kawaii”.
