Dúas alumnas procedentes de Francia convivirán durante un mes co alumnado do Instituto de Chapela dentro dun programa de intercambio. Célestine e Kylian incorporáronse este mes ao instituto acompañados polos seus anfitrións Gabriela e Andrés de 1º de Bacharelato, que xa pasaron a súa estancia en Francia. Os catro estudantes, acompañados do vicedirector do centro, Francisco Javier Silvela, e a profesora de lingua francesa, Ángeles Alemparte, foron recibidos no concello pola alcaldesa e polo concelleiro de Ensino, Iván Valles.
Gabriela e Andrés, alumnos do IES Chapela, valoraron dun xeito moi positivo a súa estadía en Francia e destacaron a aprendizaxe que supón este intercambio no se que se aloxan coas propias familias.
Para Célestine e Kylian esta é a súa primeira semana en Redondela, e aínda que recoñecen que aínda teñen dificultades co idioma, están moi felices coa experiencia e a boa acollida, seguros de que van a “aprender moito”.
Desde o IES Chapela Francisco Javier Silvela agradeceu o recibimento por parte do Concello do alumnado do programa EDUMOB.
Dende o concello era a alcaldesa Digna Rivas quen salientaba o valor destes programas de intercambio que supoñen unha experiencia enriquecedora para o alumnado que accede a eles.