Foto: Policía Local Redondela
Ambos os dous accidentes tiñan lugar na tarde noite do sábado, un na Avenida de Vigo en Chapela e o segundo na rotonda do aeroporto, na saída do Casco urbano de Redondela. No primeiro dos sinistros un dos implicados está acusado dun presunto delito contra a seguridade viaria tras dar positivo na proba de alcoholemia.
A Semana Santa déixanos dous accidentes nos que non hai que lamentar feridos graves pero si varios vehículos implicados. O primeiro producíase o sábado ás 20:30 horas na Avenida de Vigo en Chapela onde colidiron de xeito fronto lateral dous turismos. Por causas que agora investiga a Policía Local un dos vehículos atopábase realizando unha manobra cando colidiu contra outro que circulaba pola Avenida en dirección Vigo. Os axentes procederon a realizar as probas de alcoholemia aos implicados, dando resultado positivo un dos condutores, polo que se instrúen dilixencias por un presunto delito contra a seguridade viaria.
Na mesma xornada producíase outra accidente na saída do casco urbano de Redondela cara a N-550. Neste caso eran en torno ás 21:00 horas cando na rotonda do Aeroporto colisionaban dous turismos por alcance. No lugar resultaría ferida leva unha persoa que foi trasladada ao Hospital Álvaro Cunqueiro.
