As actuación que se levarán a cago consistirán na pavimentación con pedra do país de toda a praza. Ademais levarase a cabo o arranxo do acceso á praza con pedra e formigón e dotarase a zona con mobiliario urbano como aparcadoiros, bancos e árbores, que buscan converter este espazo nun punto de encontro da veciñanza.
Ao igual que a Praza da Pedreira, presentada a pasada semana, a licitación deste proxecto levarase a cabo no primeiro semestre do ano e o goberno local agarda iniciar os traballos neste 2024. o obxectivo é poñer en valor o espazo e a contorna dun dos barrios históricos do concello.
O alcalde de Soutomaior, Manu Lourenzo, adiantou que a actuación consistirá na creación dun núcleo de centralidade no barrio de Arcade de Riba, ao tempo que se pon en valor todo o conxunto arquitectónico formado polos muros de mampostería, cruceiros, edificacións e outros elementos que xa forman parte da Praza respectando a esencia que o caracteriza.
O proxecto está realizado por Aránzazu Paz López e Jose Manuel García Paz, arquitectos de DSÑ Arquitectura e contempla a pavimentación con pedra do país de toda a praza. Ademais, levarase a cabo o arranxo do acceso á praza con pedra e formigón, e dotarase toda a zona con mobiliario urbano, como aparcadoiros, bancos e árbores, que farán da Praza da Aldea un espazo agradable para a veciñanza.
