As actividades desenvolveranse este martes na Casa da Cultura ás 18:00 horas e o mércores 27 no Multiúsos á mesma hora. O programa é de balde pero precisa de inscrición previa a través do whatsapp 617340323.
A Fundación Filomena Rivero Alonso de Redondela promove un programa gratuíto de actividades para nenos e familias este Nadal en Redondela con actividades creativas impartidas por Taller Abierto. Hoxe martes, ás 18.00 horas, ofrece unha sesión especial de arte dirixida a nenos a partir de 6 anos na Casa da Cultura baixo o título “taller creativo de nadal”. Mañá mércores, á mesma hora pero no Multiúsos da Xunqueira, será a quenda da actividade “Celebrando o Nadal en familia”, dirixido a nenos a partir de 4 anos.
