A actuación que se vai levar a cabo na Avenida Mendiño e que arranca neste mesmo martes provocará molestias na circulación por esta vía de acceso aos colexios, pavillóns e centro de saúde. As obras consistirán na separación das augas fecais e pluviais e prolongaranse durante tres días o que obrigará “a facer un estreitamento da estrada”.
O concelleiro de infraestruturas, Roberto Villar, explica que a actuación terá lugar a altura do Bar Rivas e consistirá en proceder á separación das augas fecais e pluviais co obxecto de evitar asulagamentos que afectan a varias vivendas da Avenida de Santa Mariña. Os traballon prolongaranse durante “dous ou tres días.
O edil é consciente de que “estas obras van provocar molestias no tráfico para a entrada e saída dos colexios e institutos, pero é moi necesaria e urxente xa que hai vivendas que se alagan coas chuvias intensas. Os traballos faranse en horario de mañá e tarde para rematar canto antes”.