Pazos FS 7-2 Outeiro de Rei
Bo resultado o acadado esta fin de semana polo equipo de Matilla que recibía a un difícil Santa Isabel Outeiro de Rei. Logo dun arranque dubitativo dos locais, os lucenses creaban moito perigo con roubos e potentes tiros exteriores. O Pazos foi mellorando co decorrer do partido chegando ao descanso cun igualado 3-2. A segunda parte foi xa unha festa para os locais que golpearon unha e outra vez a meta visitante para rematar o encontro cun avultado 7-2.
Un partido que se celebrou nun pavillón ateigado de xente nunha xornada que supuxo o remate das celebracións do trinta aniversario do club coa presentación dos 9 equipos que conforman a Sociedade e que supoñen preto de 130 licencias.
Cita difícil na vindeira fin de semana. O Pazos xoga fóra da casa e fano cun dos equipos da parte alta da táboa, os lucenses do Ribeira, terceiros clasificados.
Redondela Rodavigo 3-3 Poio 3
Campito Chapela 4-4 Beade
Na preferente, reparto de puntos nos dous partidos disputados por equipos locais. Así o Redondela Rodavigo empataba no partido disputado no pavillón da marisma mentres o Campito lograba tamén o empate ante o Beade Copefri en Chapela.
Equipos que na vindeira fin de semana xogan polo tanto fóra da casa. O Redondela, asentado nunha cómoda terceira praza xogará no campo do decimoterceiro, o Vincios Gondomar. O Chapela continúa de pechacancelas do grupo e xoga no campo doutro equipo moi necesitados de puntos, o Vianariño, na decimosegunda posición.
