Imaxe do CD Choco nun partido anterior
Preferente
Choco 2-2 Alertanavia
Reparto de puntos en Santa Mariña nun encontro no que houbo unha parte para cada un dos equipos. Na primeira metade dominou o Choco, e na segunda o xogo púxoo o Alertanavia. O primeiro gol foi dos locais, anotou Capelo no minuto 37, e ao comezo da segunda parte Pardevila amplou o marcador co 2-0. A partir de aí o Alertanavia veuse arriba e poucos minutos despois Costa puxo o 2-1 no marcador, recortando distancia para os visitantes. E ao pouco, no minuto 66, Berto asinou o empate a dous goles. Quedaba aínda tempo de xogo, e malia que houbo ocasións para desequilibrar a balance o partido remataría en táboas. A próxima fin de semana o Choco tentará sumar fóra, visitan o campo do Allariz, cos ourensáns na parte baixa da táboa.
División de Honra Xuvenil
Revilla 1-0 Choco
Mal partido para Choco Xuvenil en terras cántabras, nun campo de pequenas dimensións e no que as decisións arbitrais tampouco axudaron aos redondeláns. Derrota pola mínima cun gol de penalti do Revilla.
Primeira Autonómica
Arcade 6-2 Matamá
O Arcade escala posicións na táboa logo de impoñerse cun rotundo marcador ao Matamá. Na próxima fin de semana visitan o campo dun dos últimos clasificados, o Chaín, que suma tan só 1 punto nas catro xornadas de liga disputadas.
Segunda Autonómica
Derrota para os dous equipos de segunda autonómica, nin Soutomaior nin Cesantes viron portería.
Zacande 1-0 Soutomaior
Cesantes 0-2 Combarro
Na próxima xornada dispútanse os encontros Domaio-Cesantes e Soutomaior-Atl.Combarro.
Terceira Galicia
G.Peña 0-3 At.Vilar
Peñasco 5-0 Nespereira
Chapela 2-1 Racing Vilariño
Na próxima fin de semana xóganse os encontros: Atl.Vilar-Santiaguiño; Nespereira-Balaídos e Oliveira-Chapela.
