Un curso gratuíto que se impartirá en horario de tarde os luns e xoves a partir do vindeiro 9 de outubro. Unha actividade que busca facilitar que as persoas adultas superen a fenda dixital que supón un atranco para unha parte importante dos nosos maiores. As persoas interesadas poden inscribirse no propio IES Pedro Floriani, no teléfono 886 12 04 13 ou no correo ies.pedro.floriani@edu.xunta.gal
Dende a dirección do Instituto animan a veciñanza a participar nun curso de capacitación dixital destinado a aquelas persoas que non teñan un nivel alto de medios dixitais e queiran aprender a manexar estas ferrametnas para realizar trámites como darse de alta en aplicacións (Sergas, Ministerio, Xunta…), aprender a usar apps para solicitar citas, enviar correos electrónicos, facer documentos, realizar videochamadas….
