Xiana Álvarez, David Carrera, iago Carballo e Alba Pérez na súa entrevista na Radio Municipal
Alumnado do IES Pedro Floriani inicia este venres unha proposta que busca dar a coñecer a pegada que a fábrica de Regojo deixou en Redondela. Unha pegada que se poderá escoitar grazas a unha serie de audios que prepararon logo de falar con familiares que traballaran nesa industria e identificar diferentes lugares que dalgún xeito están vinculado coa empresa téxtil.
A iniciativa parte dende o profesorado de historia cando se lles propoñen ao alumnado de 4 da ESO investigar sobre a factoría de Regojo e sobre todo o que implicou para Redondela. O profesor Paulo Jablonski explica quen estes paseos sonoros permitirán “poñer audio, letra e música a Redondela a través da experiencia de Regojo”, uns audios que estarán a disposición de quen o desexe para que poidan facer un roteiro pola vila coñecendo historias, anécdotas e acontecementos ao redor desta factoría
Un percorrido por Redondela con diferentes paradas nas que van coñecendo lugares que por diversos motivos están vinculados coa historia de Regojo como poida ser a chiminea que é o único vestixio físico que queda do que foi a fábrica, o scalextric e a zona que rodea ao conservatorio lugar no que se produciron as cargas policiais contra as traballadoras que se manifestaban contra o peche da empresa, a praza de Abastos ou outros lugares que por diversos motivos estaban relacionados cos traballadores e traballadores.
Unha iniciativa que xa serviu, como pouco, para que este alumnado coñeza un pasado que marcou a moitas persoas e, en xeral, a toda a vila.
