Hoxe é Domingo 5 de Febreiro de 2023
Stations
NOTHING FOUND!
Current listeners: 
Peak listeners: 

Unha rocambolesca historia sobre un suposto secuestro acaba cun detido por ameazas graves

policía local

Un home de 29 anos veciño de Redondela foi detido tras ameazar unha testemuña que ía declarar nun xuízo contra el. A ameaza foi cunha machada de grandes dimensións. O suceso arrancou cunha chamada a policía local na que alertaban dun secuestro que finalmente non sería tal ao confirmar vítima e agresor que se trataba dunha disputa por un xuízo pendente. En toda a fin de semana foron 4 as persoas detidas por diferentes motivos.

Todo arrancou cando un particular o pasado venres alertaba a policía local sobre o secuestro do seu xefe. Logo de localizar o vehículo co que supostamente se tería cometido o secuestro, os policías tomaron declaración ás dúas persoas implicadas chegando á conclusión de que a vítima se tería subido voluntariamente ao vehículo e que sería despois cando comezou unha discusión entre eles a canto dun xuízo que teñen pendente. O agresor tería ameazado a vítima, tamén veciño de Redondela de 27 anos, cun hacha de grandes dimensións co obxecto de coacciónalo para que non presentara testemuña ante o xuíz sobre uns feitos anteriores.

Ante a actitude agresiva e violenta que presentaba o agresor, os axentes prodeceron a detelo e introducilo no vehículo policial, autolesionándose ao darse varios golpes contra a mampara do vehículo polo que tivo que ser atendido nun centro de saúde, sendo trasladado logo ás dependencias policiais onde quedou detido.

Pasará a disposición xudicial por un delito de ameazas graves, resistencia á autoridade e desobediencia aos axentes.

A este suceso hai que engadirlle tres detidos máis na fin de semana por quebrantamento de condena ao incumprir unha orde de afastamento, outro por malos tratos no ámbito familiar e un último por delito violencia de xénero.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará