Hoxe é Xoves 29 de Setembro de 2022
Stations
NOTHING FOUND!
Current listeners: 
Peak listeners: 

Redondela recupera a feira de oportunidades

feira

Unha iniciativa da Asociación de empresarios de Redondela en colaboración co Concello que busca impulsar o pequeno comercio en a que participarán un total de 30 establecementos que ofrecerán os seus produtos con descontos e ofertas importantes, de ata 0 70%, nunha feira que se desenvolverá os días sábado 1 e domingo 2 de outubro na Alameda.

Moda, calzado e complementos supoñen o 70% da oferta nesta feira na que tamén poderemos atopar alimentación, vehículos, agro, xardín, decoración e beleza de benestar. En total 30 establecementos que “achegarán as mellores oportunidades a esta feira anual” ofertando os seus produtos a un prezo máis económico a toda a clientela que se achegue a Alameda na primeira fin de semana de outubro.

Julia Alonso, Asociación de Empresarios

Os descontos máis apetecibles chegarán a 70% pero haberá outro tipo de ofertas dependendo de cada un dos comercios.

Descontos de ata o 70%

A recuperación de actividades e zonas de ocio infantil será outro dos atractivos deste evento que combinará compras, diversión e premios. Os premios: A gran sorpresa está reservada á xornada dominical na que se sortearán 1.000€, en tarxeta de compra de 30€ e 50€ da man da Campaña “Comprar no teu comercio ten premio” que se realiza en colaboración coa Federación Galega de Comercio. Durante a mañá do domingo instalarase unha carpa na que a clientela poderá trocar todos os tickets de compras superiores a 10€ realizadas durante a semana do 26 de setembro ao 1 de outubro por participacións para o sorteo que terá lugar esa mesma mañá sobre as 13:30h.

Sortearanse mil euros en tarxetas de compra

A maiores haberá zonas de xogos infantís e tamén un servizo de ludoteca para facilitar que as familias poidan facer as súas compras.

A rapazada terá tamén o seu espazo

A alcaldesa Digna Rivas anima á veciñanza a achegarse a un evento que “é moi esperado pola veciñanza e que supón retomar a normalizade tamén no ámbito comercial”.

Digna Rivas, alcaldesa de Redondela

O Concello colabora neste evento cun importante despregamento de medios humanos para dotar ao recinto de servizos como iluminación, limpeza, coordinación do tráfico e as actuación musicais que terán lugar no espazo feiral. Ademais, para mellorar e facilitar a accesibilidade a Redondela está a procurar habilitar zonas de aparcamento especial na zona de Vilavella que potenciarán o paseo por toda a vila ata o recito feiral e o canxe de tickets de compra por horas de parking gratuíto. O canxe dos tickets de compra por parking poderá realizarse no stand informativo do recinto feiral. Esta promoción permitirá á clientela aparcar gratis mentres realiza as súas compras na feira e estará activa ata esgotar as existencias da promoción especial que se realizará con motivo da celebración da Feira de Oportunidades.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará