Hoxe é Venres 7 de Outubro de 2022
Stations
NOTHING FOUND!
Current listeners: 
Peak listeners: 

Chapela recupera o Día do Remo cunha gran festa

DiadoRemoFamilia

Participantes no Día do Remo nunha edición anterior. Foto: Máximo Expósito

O paseo de Cardona acolle este sábado o VI Día do Remo. Logo de ter que cancelar a cita os últimos dous anos por mor da pandemia, a celebración recupérase “con máis gañas ca nunca”.  As actividades comezarán ás 11.00 horas cunha travesía pola ría. Trátase dunha ruta multidisciplinar, xa que esta aberta á participación de calquera embarcación a remo, como poden ser traiñeiras, bateis, canoas, kaiaks, gamelas, dornas, etc. Partirán desde a praia de Arealonga rumbo ao Meirande, onde se celebrará unha representación da Batalla de Rande. Ao remate haberá un xantar cunha gran paella, segundo explica o presidente do CR Chapela Julio Prado.

Julio Prado, presidente do CR Chapela

As actividades continuarán pola tarde, cunha regata ás 17.00 horas na que participarán remeiros veteranos de Chapela e doutros clubs galegos en diferentes tandas, para celebrar logo a tradicional cea cun asado de tenreira cunhas 600 racións.

Pola tarde celebrarase unha regata e logo o tradicional asado de tenreira galega

Rematada a temporada de remo, e cando comeza a campaña 22-23, esta xornada será unha gran celebración. Logo de ter que cancelala os últimos dous anos por mor da pandemia, a celebración recupérase “con máis gañas ca nunca”. 

O remo celebrará unha gran festa logo de ter que suspendela os dous últimos anos

As actividades continuarán despois da cea con sorteo de agasallos e música para amenizar a noite.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará