Hoxe é Mércores 25 de Maio de 2022
Stations
NOTHING FOUND!
Current listeners: 
Peak listeners: 

O Choco busca saír da zona de descenso en Viveiro

ChocoAprazado

Esta semana o equipo redondelán ten seis puntos en xogo. Hoxe mércores visita ao Viveiro FC e o domingo enfróntase ao UD Somozas. O partido desta tarde corresponde á xornada 18, que fora adiada. O Viveiro está a facer unha boa segunda volta e está 11º na táboa clasificatoria con 27 puntos, cinco máis que os de Juan Amoedo, se ben os de Redondela contan con 3 partidos menos. Logo de sumar tan só un punto ante o Alondras CF o pasado sábado en Santa Mariña, viaxan a terras lucenses con “sede de vitoria”, recoñece o adestrador choqueiro. Advirte que “as xornadas pasan e cada vez son menos as posibilidades para puntuar”. Precisan dunha vitoria para saír dos postos de descenso. Saben que o rival é un equipo complicado “con moita fortaleza defensiva e basa o seu xogo nos erros do rival, polo que vai a ser un gran reto”, sinala Amoedo. A cita é ás 20.30 horas en Cantarrana.

O domingo terán un novo desprazamento para disputar a xornada 27, neste caso co UD Somozas. Dous destinos complicados en tan só cinco días. O adestrador explica que lles toca “cruzar Galicia ata a outra punta” pero que non queda outra que “apertar os dentes e competir mellor que nunca”. O partido será ás 17.00 horas no Alcalde Manuel Candocia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará