Hoxe é Martes 17 de Maio de 2022
Stations
NOTHING FOUND!
Current listeners: 
Peak listeners: 

Veciños de Reboreda alertan do risco de que outra empresa retome o proxecto eólico na parroquia

monte reboreda

A decisión da promotora de renunciar a construción dun parque eólico que afectaría aos montes dos concellos de Pazos de Borbén e Reboreda supón un alivio para os veciños e colectivos que decidiron organizarse para loitar contra esta iniciativa. Con todo, entenden que o risco non desaparece porque “desiste unha empresa pero non se paraliza o proxecto definitivamente”. Por este motivo reclaman que non pleno de hoxe a corporación se manifeste en contra da colocación de muíños de vento na zona.

David Couñago, portavoz dos colectivos veciñais que se uniron para loitar contra a posible instalación dun parque eólico nos montes da parroquia amosa a súa satisfacción polo anuncio da Xunta de que o promotor tiña presentado o desestimento para levar a cabo este proxecto. Algo que ao seu entender responde en gran medida “a presión social que se estaba a fraguar na zona”.

Aínda así entende que non hai que baixar a garda porque “que esta empresa renuncie a facer o proxecto non quere dicir que mañá poida vir outra que si o leve adiante”.

Entenden que é imprescindible o posicionamento do pleno e dos diferentes grupos políticos con presenza na corporación para opoñerse a un proxecto que insisten “é moi dañino para a parroquia, para os montes e para a contorna”. Critican tamén a “ausencia inxustificada” da Comunidade de Montes que non se posicionou neste asunto.

Neste sentido, tanto a Comunidade de Augas, como a Asociación de Veciños e a Sociedade Labrego Cultural confían en seguir sumando mans “para que isto non vaia adiante”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará