A vindeira fin de semana queda baleirada de actividades logo de que a Concellería de Cultura acordase suspender as propostas previstas tanto para sábado como para domingo. Así a actuación do coro tradicional Pecios de Rande prevista para o sábado 15 queda adiada ata que a situación mellore. Suspéndese tamén o monólogo “Fabiolo connection” de Rafa Maza. Unha proposta incluída no IV Ciclo de Humor na súa tinta do Concello de Redondela e que tamén cae da programación cultural ante a suba incesante de casos de Covid que obriga a cancelar funcións e a manter a prudencia ata que a situación se estabilice.
