Hoxe é Venres 28 de Xaneiro de 2022
Stations
NOTHING FOUND!
Current listeners: 
Peak listeners: 

Lucía Castrillo do IES de Soutomaior premiada no certame Tíralle da lingua

tirnado da lingua

Esta alumna de 4º ESO do IES de Soutomaior vén de ser premiada na XX edición do Certame de relato oral Tíralle da Lingua. O centro participa dende a súa creación en 2019 neste concurso de ámbito galego que organiza a Asociación Socio-Pedagóxica Galega para fomentar e dinamizar o da lingua entre a mocidade como instrumento para crear e contar historias orais. Nesta edición, Lucía gañou o segundo premio na categoría do segundo ciclo da ESO pola creación e interpretación do relato Noite de rolda.

A alumna comenta que “para esta historia, como para outras moitas cousas na vida, a miña inspiración foi a miña avoa, neste caso polas anécdotas que nos conta de cando era moza”. Alentados polos profesores Fernando Blanco e Adriana Gómez, os relatos presentados polo centro foron de creación propia do alumnado ou reinterpretacións de textos de autores, que tiveron que ser dramatizados, gravados e enviados por causa da pandemia, que impide que a fase final se faga de forma presencial. A este respecto, Lucía sinala que quixo “que a gravación fose natural, imitando a forma que ten a nosa avoa de nos narrar o pasado, pero co meu ton propio, intentando tamén representar a tradición oral galega.”

Este premio, concedido por un xurado formado pola docente Beatriz Maceda, a filóloga Enma Pedreira e a bibliotecaria Xiana de la Peña, e que conleva un obsequio en cartos para a alumna e o centro, anima ao Equipo de Normalización Lingüística do instituto a seguir traballando polo uso da lingua galega tanto neste tipo de actividades como no día a día do alumnado e as súas familias.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará