Hoxe é Mércores 19 de Xaneiro de 2022
Stations
NOTHING FOUND!
Current listeners: 
Peak listeners: 

AER esixe que o Pleno resolva a penalización a Urbaser por incumprimento de contrato

urbaser

A agrupación de electores insta ao goberno a que presente o informe xurídico correspondente, único paso que falta para poder sancionar a empresa de recollida de lixo polo que definen como “malas prácticas reiteradas”.

A Agrupación de Electores esixe que no próximo Pleno de Redondela se resolva un expediente aberto en 2020 de penalidades á empresa Urbaser, responsable da recollida de lixo nesta localidade. Lembra AER que a raíz dunha investigación durante a súa etapa no goberno redondelán incoouse un expediente de penalidades o pasado mes de febreiro, polo que AER “non entende a demora do goberno redondelán ao non tomar medidas que defendan os dereitos dos veciños e as obrigas desta concesionaria”.

Un expediente de penalidades contra o servizo de recollida de lixo que inclúe deficiencias no desenvolvemento do servizo e incumprimento reiterado do prego de prescricións técnicas. Entre outras deficiencias, os contenedores non teñen a rotulación necesaria, non se certifica a súa desinfección mensual, non se reparan nin repoñen ou se incumpre o prazo máximo de 48 horas para a recollida de voluminosos especificado no contrato.

“O derradeiro paso que falta é o informe xurídico que depende da Alcaldía para poder levalo a parte de control do Pleno de novembro e proceder a imposición de penalidades”, defende o concelleiro de AER, Roberto Villar, quen define de “incomprensible o retraso en tomar esta decisión cando xa está feito o traballo por parte dos servizos municipais a falta de un informe xurídico. Esta desidia o único que consegue é que a concesionaria siga incumprindo o seu contrato e cun sentimento de impunidade que prexudica un servizo público fundamental para os cidadáns”

Por este motivo, a agrupación presentou por rexistro unha solicitude para resolver a favor dos veciños de Redondela unha situación que se prolonga demasiado no tempo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *