Hoxe é Luns 29 de Novembro de 2021
Stations
NOTHING FOUND!
Current listeners: 
Peak listeners: 

A falta de acerto desde o punto de penalti deixa ao Choco sen premio

ChocoSomozas

Terceira División

Choco 0-1 Somozas

Os de Juan Amoedo non puideron manter a boa xeira de resultados ante o líder. O partido decidiuse en Santa Mariña desde o punto de penalti. Os dous equipos desperdiciaron candanseu lanzamento desde os 11 metros, pero no minuto 75 Pablo Rei acertou no lanzamento da pena máxima e sumou os tres puntos para manter ao Somozas no liderado.

O Choco dominou o partido, e aos 15 minutos de xogo o árbitro sinalaba o primeiro penalti do partido por unha derriba sobre Félix, que sería quen lanzase. Pero o porteiro do Somozas acertoulle a intención e detivo o lanzamento. Xa na segunda parte Pablo Rei dispuxo doutro penalti para adiantar ao Somozas, pero o seu lanzamento foi fóra. Logo Cortegoso evitaba tamén cunha boa intervención que se adiantase o equipo visitante. Pero na segunda pena máxima pitada a favor do Somozas, Pablo Rei non perdoou. Xa nos últimos intres Félix dispuxo dunha ocasión para o empate nun man a man ante o porteiro visitante, pero o disparo cruzado marchou fóra por pouco.

Na próxima xornada os de Amoedo visitan o campo do Arzúa, conxunto que adianta en tres puntos ao equipo redondelán.

Choco: Cortegoso; Ronald, Chisco, Alberto Suárez (Berni, min.86), Félix, Álex Pérez (Hugo Sanmartín, min.65), Toni Armada, Rancaño (Campelo, min.75), Kopa, Tomás Abelleira (Comis, min.65) e Juanma Torres.

Somozas: Marcos Souto, Santalla, Cabarcos, Alberto, Pacheco, Luís Díaz, Pablo Rei (Belles, min.89), Kiko, Adrián Martínez (Aldán, min.56), Marcos Álvarez (Do Río, min.86) e Cañi.

Gol: 0-1, min.75: Pablo Rei, de penalti.

Primeira Galicia

Amanecer 1-1 Arcade

Na próxima xornada o Arcade recibe ao líder, o Dena

Segunda Galicia

Vilar 3-2 Salvaterra

Os de Vilar plantaron cara ao Salvaterra, un dos equipos máis fortes neste comezo de liga, e tiveron premio. Na próxima xornada visitan o campo do pechacancelas, As Neves

Pontecaldelas 5-2 Cesantes

O líder foi moi superior ao Cesantes e impúxose no seu feudo. Na próxima xornada o Cesantes recibe ao Monteporreiro

Soutomaior 2-0 Bueu

O Soutomaior segue na metade alta da táboa logo de superar ao Bueu, que chegaba invicto ao Salgueirón. Na próxima xornada visitan o campo do Vilaboa.

Terceira Galicia

Chapela 3-0 Moledo

Próxima xornada Balaídos-Chapela

FÚTBOL SALA

Terceira Galicia

Campito 4-6 Noia B

O filial do Noia fíxose cos puntos na súa visita a Chapela. Na próxima fin de semana os de Santi Domínguez desprázanse á pista do Xove. Un dos equipos situados na parte alta da táboa.

Preferente Sur

Valadares 2-2 Redondela Maramar

O empate permite ao Redondela situarse no 2º posto da táboa. Na próxima xornada reciben en Redondela ao Marín, co que están empatados a puntos.

Arealonga 3-3 Balona Linense

Importante empate para o Arealonga. Os de Chapela xogan na pista do Cesures na próxima xornada, cos anfitrións como pechacancelas do grupo.

Pazos 7-3 Quinta de Tui

Os de Fran Amoedo son líderes do grupo en solitario ao sumar a terceira vitoria consecutiva. Na próxima xornada xogan na pista do Cereixa Gondomar.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *