Hoxe é Sábado 16 de Outubro de 2021
History
Stations
NOTHING FOUND!

Radio Redondela emite a adaptación radiofónica da novela “Os Incurábeis”

incurabeis imagen

A novela negra de Antonio Tizón poderá escoitarse a través da Radio Municipal grazas a unha iniciativa de Son Radiofusión. Máis de 50 persoas participaron na gravación deste podcast que conta con 88 capítulos de 12 minutos de duración cada un. Poderá escoitarse no 94.9 e tamén a través da internet na web www.radioredondela.com ás 9 e ás 21:00 horas a partir do luns 27 de setembro.

Unha iniciativa que forma parte do proxecto “O meu libro” de captación de novos públicos para a literatura galega. Trátase da primeira obra da literatura galega adaptada ao podcast, un formato de éxito desde que a BBC apostou en 2004 por este tipo de programas. A trama da novela, publicada por Xerais en outubro de 2020, comeza co asasinato dunha muller na Coruña. O inspector Sánchez Pereiro investiga o caso que se vai desenvolvendo en distintas localizacións do barrio dos Castros. A corrupción política e tamén o padecemento causado polas doenzas mentais aparecen nesta obra adaptada para o podcast polo mesmo Antonio Tizón.

A directora do podcast, unha “superprodución” galega con 88 capítulos de 12 minutos de duración cada un, Eugenia Sanmartín gaba o labor dos actores e actrices e de numerosas persoas colaboradoras coa iniciativa. No podcast, Miro Casabella interpreta a canción “Os Incurábeis” musicada por él mesmo  a partir dun poema do escritor arxentino Pedro Bonifacio Palacios “Almafuerte” (Siete sonetos medicinales).

O secretario de Son Radiofusión Henrique Sanfiz explica a vontade de continuidade da produción con novos podcast de cara ao futuro.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *