Hoxe é Sábado 16 de Outubro de 2021
History
Stations
NOTHING FOUND!

A praia de Arealonga acollerá unha gran limpeza dos fondos mariños este sábado

limpeza

O Club de Submarinismo Debaixo2mares e a Asociación de Salvamento de Galicia, participan este sábado da xornada internacional de limpeza de fondos mariños e praias. Unha acción a nivel mundial que tamén se traslada ao litoral redondelán con esta proposta que se vai desenvolver o sábado 25 de setembro ás 09:30 na praia de Arealonga en Chapela.

Luis Sevilla

Unha actuación que busca concienciar sobre a existencia de lixo nos fondos mariños e dos perigos que isto supón para a fauna mariña e para nós mesmos. Plásticos, redes perdidas, pilas, baterías… todos tipo de restos cos que se atopan día a día as persoa que practican o mergullo ao que hai que engadir, como explica Luis Sevilla dende o Club de Submarinismo, vertidos aínda máis contaminantes e máis difíciles de erradicar como os procedentes de factorías e empresas.

Nos fondos mariños atópanse todo tipo de vertidos

Os voluntarios que queiran participan poden inscribirse no teléfono 696 261 790. Faranse dous grupos, un formado por mergulladores que buscarán e retirarán lixo do fondo mariño e outro que se centrará en recoller o lixo que está esparexido pola area. Todo ese material será clasificado e cuantificado.

Precísanse voluntarios

Para coordinar esta acción de limpeza instalarase unha carpa na praia na que se desenvolverán diferentes actividades: charlas das mariscadoras que traballan na zona e outra charla na que se informará sobre os efectos que teñen na sociedade estes residuos que acaban nos ríos e praias.

Nesta xornada colaboran colectivos e empresas como: Libera, Rede de Vixiantes Mariños, Oceanidas,Vertidos Cero, AEBAM, CEMMAR e Pescanova, e o Concello de Redondela súmase á colaboración para que se poida realizar esta interesante iniciativa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *