Hoxe é Martes 16 de Xullo de 2024
Stations
NOTHING FOUND!
Current listeners: 
Peak listeners: 

“Tatuado nos ollos levamos o pouso” preséntase na lonxa de Cesantes

DocuDIANA

A nova curta documental da cineasta redondelá Diana Toucedo proxéctase mañá sábado na lonxa de Cesantes. “Tatuado nos ollos levamos o pouso” é o título da curtametraxe que produce Sinsalaudio como actividade paralela ao festival Sinsal. Trátase dun traballo que Toucedo comezou a rodar o pasado verán an enseada de San Simón con mariscadoras e mariñeiros da Confraría de Redondela. Trátase dun sector co que Toucedo ten moitos lazos familiares “son veciña de Cesantes, meu pai e avó dedicáronse ao mar, e miñas avoas foron mariscadoras”.

Diana Toucedo, directora da curtametraxe documental

A presentación terá lugar mañá sábado 31, ás 21.30 horas, na lonxa de Cesantes e o acto contará cunha charla na que participarán a directora, o programador Javier Trigales, a artista BFlecha que pon música ao documental, e tamén mariscadoras e mariñeiros da Confraría de San Xoán de Redondela. O acceso á presentación será gratuíto previa retirada de entradas, a partir das 21.00 horas, no propio recinto da lonxa redondelá.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará