Hoxe é Sábado 16 de Outubro de 2021
History
Stations
NOTHING FOUND!

Unha ruta para descubrir os tesouros do río Fondón

ChapelaVistas

A Asociación de Veciños de Chapela celebra este domingo, 4 de xullo, a XVI Ruta do Río Fondón. Será un percorrido polas marxes do río, que agochan espazos naturais de gran beleza, ademais dun importante patrimonio etnográfico. Este ano a ruta centrarase no tramo desde o Camiño da Fraga ata o nacemento do río. Ás espectaculares vistas sobre a ría súmanse a flora e fauna propia dos ríos galegos, ademais de fervenzas, muíños e pontes. Álvaro Diego Fuentes será o encargado de guiar aos participantes polos bosques de ribeira “únicos na parroquia”, e advirte que os participantes sorprenderanse de atopar unha paraxe natural destas características tan preto da zona urbana de Chapela.

A ruta percorrerá bosques de ribeira únicos na parroquia

Desde o colectivo veciñal levan anos traballando na limpeza e acondicionamento destes espazos naturais xunto ao río Fondón, e tamén nas marxes fluviais do Pugariño e o Maceiras. Por iso actividades como a ruta desta domingo teñen tamén obxectivo de “concienciar” á cidadanía da necesidade de coidar e preservar estes lugares. Diego Fuentes lembra tamén que será necesario seguir realizando xornadas de limpeza, xa que durante décadas estas zonas de monte empregáronse como “vertedoiros”.

A Asociación de Veciños leva anos traballando na limpeza e mantemento desta contorna

Na ruta do domingo transitarán camiños que hai décadas eran empregados pola veciñanza “e que foron quedando en desuso”. Moitos presentaban un estado “intransitable” ata que a Asociación de Veciños comezou coas tarefas de roza e acondicionamento. O colectivo demanda tamén para eses camiños e corredoiras se recuperen e formen parte do inventario municipal “xa que se trata dun importante patrimonio público que non debe perderse”.

O colectivo demanda que os camiños e corredoiras sexan incluidos no inventario municipal

A ruta polo río Fondón rematará cun xantar na área de descanso Chan da Lagoa, para o que cada participante deberá levar a súa propia comida. A Asociación habilitará coches para levar o xantar e así facer a marcha “máis lixeiros” . Tamén haberá xogos e actividades para todos os públicos. Por mor da situación sanitaria para participar na ruta é preciso inscribirse previamente, xa que as prazas son limitadas. Poden reservar praza no teléfono 649 37 60 94. A saída está prevista para as 10.00 horas desde o local da A.VV. No camiño da Oliveira, 1.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *