Hoxe é Venres 17 de Setembro de 2021

O CEIP Laredo lanza “Matrículas Solidarias” para axudar a escolares de África

matriculasAfrica

A solidariedade vai “sobre rodas” no colexio de Laredo. O centro acaba de poñer en marcha o proxecto “Matrículas Solidarias”, unha iniciativa coa que pretenden concienciar na solidariedade a través de pequenos xestos de educación cívica e vial. Matriculando “simbolicamente” unha bicicleta, os participantes contribúen con 2 euros a unha interesante causa solidaria: “A Maxia do Kilimanjaro”. Trátase dun proxecto que se realiza en África por parte da entidade Arusha Bike Center, onde traballan para que as nenas teñan bicis para ir á escola en Olasiti (Kilimanjaro). O director do CEIP Laredo, Abraham Domínguez, explica que a iniciativa xurdiu a través dunha proposta das familias.

Abraham Domínguez, director do CEIP Laredo

Aqueles que participen recibirán pola súa doazón unha matrícula para lucir na bicicleta “dando exemplo de compromiso solidario e educación viaria”. Deste xeito tan sinxelo “axudan ao mantemento das bicis que as nenas empregan para ir á escola”, explica Domínguez. Tamén é un xeito de concienciar aos rapaces do centro “do privilexiados que somos no primeiro mundo”.

A campaña é tamén un xeito de concienciar aos rapaces “do privilexio que supón vivir no primeiro mundo”.

Estas bicicletas non só facilitan a asistencia á escola aos rapaces dos poboados, senón que tamén permiten ás nenas facer o traxecto “de xeito máis seguro”. O director do colexio explica que deben percorrer distancias de 10 ou 15 quilómetros por territorios “onde poden ser vítimas de violencia”.

As bicicletas permiten ás nenas trasladarse á escola dun xeito máis seguro

Poden solicitar matrículas tanto os membros da comunicade educativa como familias ou achegados “sexan ou non do centro educativo”. As matrículas poderán recollerse e facer o pago na ANPA do 26 ao 28 maio. A solicitude pode facerse a través da páxina web do centro. O importe íntegro do que se recade irá destinado a esta causa solidaria.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *