Hoxe é Domingo 19 de Setembro de 2021
History
Stations
NOTHING FOUND!

O CEIP Porto Cabeiro ilustra o Día das Letras para toda Galicia

CabeiroFoto

O proxecto “Xela Arias e as palabras” elaborado polo colexio redondelán foi o gañador do concurso organizado pola Xunta de Galicia para conmemorar o Día das Letras Galegas. Son total de dez imaxes elaboradas polo alumnado de Infantil e Primaria con diferentes técnicas artísticas. “Todo o profesorado do centro se implicou moito no traballo e cada aula elaborou unha obra” explica Susana Crespo, coordinadora do Equipo de Normalización Lingüística co CEIP Porto Cabeiro. Os carteis reflicten a Xela nas súas facetas de poeta, tradutora, docente, activista e precursora, entre outras.

Susana Crespo, coordinadora do Equipo de Normalización Lingüística co CEIP Porto Cabeiro

O traballo inclúe tamén unhas guías didácticas elaboradas polo profesorado do centro, con actividades para traballar en todos os niveis educativos e que inclúe actividades interactivas
No centro están “moi orgullosos” polo premio e a proxección que supón “para un colexio tan pequeno”. A coleccións de carteis que integran a mostra e a guía didáctica están accesibles desde o Portal da Lingua Galega, para a súa descarga libre e de balde. Ademais algúns dos son a imaxe das Letras Galegas deste ano 2021 en diferentes actos da Xunta, e tamén nas campañas dunha cadea de supermercados e nos trens de Renfe.

No colexio están moi orgullosos de que os seus carteis ilustren o Día das Letras por toda Galicia

A exposición “Xela Arias e as palabras”, elaborada polo colexio redondelán, salienta “pola súa orixinalidade e creatividade, pola beleza estética e pola diversidade das técnicas empregadas para difundir a vida e a obra de Xela Arias”, destaca o xurado. Como premio, o CEIP Porto Cabeiro recibiu 2.000 euros en metálico. Susana Crespo explica que se vai investir en melloras para o centro, como a creación dun gran mural conmemorativo sobre Xela Arias.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *