Hoxe é Venres 30 de Xullo de 2021

As “Conquistadoras” invaden o paseo marítimo de Cesantes

ConquistadorasCesantes

A mostra, que xa puido visitarse en Redondela e Chapela, chega agora ao Paseo Marítimo de Cesantes, onde estará exposta ata finais de maio. “Conquistadoras” amosa a historia de esforzo de moitas mulleres que, dende o seus ámbitos de vida persoal e profesional, foron quen “de conquistar o dereito a ser elas sen necesidade de pedir o permiso deles”. A alcaldesa, Digna Rivas, sinala que “durante séculos considerouse que a muller non podía acadar os mesmos éxitos ca os homes, ou que simplemente non tiña capacidade dabondo para igualalos”. Con esta exposición, da que forman parte mulleres como María Pita, Rosalía de Castro, Ernestina Otero ou María Araújo, a Concellería de Igualdade de Redondela quere “desterrar prexuízos que tristemente aínda se manteñen na sociedade contemporánea”. A intención desta mostra é achegar á veciñanza de Redondela un anaco da historia de Galicia e sobre todo “destas mulleres capaces de sobrepoñerse ás adversidades para demostrar o que non debera precisar xustificación: calquera muller pode realizar os mesmo traballos ca un home”. A exposición percorrerá as diferentes parroquias do municipio ao longo do ano, cumprindo así un dos obxectivo da Concellería de Igualdade, que é que “a loita pola igualdade non quede cinguida a un so día, senón que sexa unha acción continuada ao longo de todo o ano porque é o único xeito de acadar unha sociedade xusta e igualitaria”. Do mesmo xeito a mostra “Mulleres da Illa”, actualmente na Alameda Castelao, tamén terá un carácter itinerante a partir do mes de xuño percorrerá as diferentes parroquias do municipio.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *