Hoxe é Martes 27 de Xullo de 2021

Pazos renova a numeración das casas cunha sinalización uniforme

Renovación numeración

O último ano marcado pola crise da Covid supuxo un incremento das compras por internet e o reparto a domicilio. Este efecto tamén se deixa sentir en municipios rurais como Pazos de Borbén, onde ás veces os repartidores teñen traballo “extra” para dar cos domicilios, o que pode ocasionar atrasos nas entregas aos veciños. Para solucionar esta situación, o Concello de Pazos de Borbén decidiu renovar a numeración de todas as casas do municipio cunha nova sinalización. O alcalde, Andrés Iglesias, confía en que a nova numeración solucione estes problemas xa que as novas placas “teñen unha información máis completa, co número da casa e o nome da rúa ou o lugar” e ademais achegan unha imaxe “máis uniforme” a todo o municipio. Os traballos de instalación das novas placas comezan estes días. Operarios dunha empresa especializada percorrerán todo o municipio para informar aos veciños e instalar a nova rotulación. Os veciños que non poidan estar nos seus domicilios para a instalación poderán recoller as súas novas placas na Casa do Concello.

Dixitalización do rueiro

Previamente aos traballos de instalación da nova numeración o Concello está a levar a cabo unha dixitalización de toda a rede de camiños e estradas do municipio. Unha mellora que, segundo Iglesias, permitirá manter actualizada a cartografía municipal e que ademais “facilitará as tarefas de consulta necesarias en diversos trámites urbanísticos, tanto por parte dos veciños como da propia administración pública”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *