Hoxe é Martes 11 de Maio de 2021

O Rodosa Chapela segue na pelexa pola fase de ascenso

BMChapelaEquipo

Primeira Nacional

Bueu 29-32 Rodosa Chapela

Malia ir por detrás no marcador boa parte do partido, os de Fran Teixeira deron unha lección de xogo nos últimos minutos e fixéronse co partido ante o Bueu. Dous puntos que permiten aos de Chapela seguir vivos na pelexa por unha das dúas prazas que permiten participar na fase de ascenso a División de Honra Prata. Quedan catro xornadas e o Rodosa Chapela está a 1 punto do segundo clasificado, o Ampate Lanzarote. Na próxima xornada reciben na casa ao Vecindario, cos canarios na metade baixa da táboa.

Luceros 30-30 SAR Plastic Omnium

Os de Redondela conseguiron sumar un punto na difícil pista do Luceros nun encontro moi igualado de principio a fin. Os de Pablo Muíños chegaron ao último minuto con vantaxe dun gol, pero finalmente os do Morrazo igualaron o marcador. Reparto de puntos, e son xa 24 para a SAR, no 10º posto da táboa. A próxima xornada reciben ao Carballal na Bomboneira.

División de Honra Prata Feminina

SAR Rodavigo 25-26 Palencia

A SAR recibía na casa ao Balonmán Palencia no último partido da tempada. As pupilas de Elisardo González “Chini” non puideron despedir a liga ante a súa afección cun triunfo, malia ter acadado xa anteriormente o obxectivo da permanencia. O Palencia púxose por diante xa desde o comezo, con ata 5 goles de diferencia (1-6). A SAR remontou, e deulle a volta ao marcador na segunda parte (19-18). Pero despois dun tempo morto do Palencia o equipo visitante púxose por diante de novo, e outra vez a SAR remontou e conseguiu que a igualdade se mantivese até o final. Non puido ser, e nos últimos segundos o Palencia fíxose coa vitoria por 25-26, pero o equipo local fixo un bo papel, tendo en conta que o técnico deu minutos a xogadoras moi novas, a maioría xuvenís que ao longo desta temporada tiveron poucos minutos. O balance da temporada é moi positivo para o club, logo de acadar un ano máis a permanencia na División de Honra Prata nunha liga especialmente difícil marcada pola Covid.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *